PSTD Proxecto Geoparque Cabo Ortegal
O PSTD (Plan de Sostibilidade Turística en Destino) Proxecto Xeoparque Cabo Ortegal é unha iniciativa impulsada pola Deputación da Coruña e financiada con fondos NextGenerationEU, enmarcada no período 2022–2024 (con prazo de xustificación ata xuño de 2026).
Conta cun investimento total de 1.500.000 € e estrutúrase en catro eixos estratéxicos que desenvolven 28 actuacións transformadoras destinadas a potenciar o territorio.
O proxecto abrangue os sete concellos do Xeoparque do Cabo Ortegal: Cariño, Cedeira, Cerdido, Moeche, Ortigueira, San Sadurniño e Valdoviño, promovendo un modelo de desenvolvemento sostible, innovador e vencellado ao patrimonio natural e xeolóxico do territorio.
Eixo 1: Transición verde sostible
Impulso dunha transición verde sostible a través de 6 actuacións que fortalecen o sector turístico, integrando a sostibilidade, a acción climática e a creación de emprego verde.
Eixo 2: Mellora da eficiencia enerxética
Mellora da eficiencia enerxética a través de 2 actuacións centradas na modernización das infraestruturas turísticas do Xeoparque, baixo criterios de sostibilidade e mobilidade sostible.
Eixo 3: Transición dixital
Impulso da transición dixital mediante 6 actuacións que reforzan as canles de promoción, xestión e comunicación en liña do Xeoparque, mellorando a súa visibilidade e eficacia dixital.
Eixo 4: Competitividade
Desenvolvemento de 14 actuacións que fortalecen o sector turístico, melloran a promoción e a oferta e favorecen a atracción de visitantes de maneira desestacionalizada e sostible.
Actuacións
28 accións para transformar o territorio do Xeoparque Cabo Ortegal
1. Melloras da cualificación profesional do sector turístico: formación especializada.
Descrición
Desenvolvemento de formación especializada para labores de Guía-intérprete do Geoparque Cabo Ortegal, co obxectivo de capacitar aos profesionais e empresas na interpretación do patrimonio singular do territorio e adecuar o relato do Xeoparque aos diferentes segmentos de público. A actuación contempla dúas edicións dun curso de Guía-intérprete do Xeoparque do Cabo Ortegal, en formato semi-presencial, no que terán prioridade de participación as persoas interesadas que residen nos concellos do Xeoparque.
Descargable
2. Deseño e creación de programas educativos e de fomento da investigación.
Descrición
Deseño e posta en marcha dun programa educativo e de fomento da investigación para centros escolares sobre distintos aspectos do Geoparque Cabo Ortegal e os efectos do cambio climático no mesmo. En concreto as temáticas de geociencias, patrimonio natural e cultural, e outras materias relacionadas coa Axenda de Educación 2030 da UNESCO, serán as prioritarias a desenvolver, coa finalidade de mellorar o coñecemento e sensibilizar á poboación sobre os riscos e efectos do cambio climático no territorio do Xeoparque.
3. Promoción da gastronomía e dos produtos agroalimentarios locais.
Descrición
O obxectivo é poñer en valor a gastronomía e os produtos agroalimentarios do territorio do Xeoparque Cabo Ortegal mediante o impulso da calidade, da promoción e da comercialización, así como a creación dunha marca especifica de produtos do Xeoparque Cabo Ortegal. A actuación contemplou nunha primeira fase estudos do territorio e nunha segunda fase e creación dunha marca alimentaria local, destinada á posta en valor dos produtos agroalimentarios e gastronomía do territorio, tanto entre o sector hostaleiro (produtos KM0, Slow Food), como para a súa venda ao público final.
Orzamento
68.396,39 €
Prazo de execución
2024 – 2026
4. Plan de mellora e acreditación de pequenas empresas turísticas (aloxamento, guías, actividades…).
Descrición
Deseño e posta en marcha dun sistema para a mellora dos servizos turísticos e a acreditación das empresas prestadoras de servizos turísticos do Xeoparque do Cabo Ortegal
Orzamento
45.032,57 €
Prazo de execución
2024 y 2025
5. Deseño e creación de programas de actividades de xeoturismo (xeorrutas, visitas e outras actividades.
Descrición
Posta en funcionamento dun programa de visitas guiadas, xeorrutas e outras actividades e experiencias de ecoturismo e xeoturismo, a través das que se implemente un relato diferenciador do territorio e a súa singular riqueza xeolóxica, natural e cultural.
Orzamento
47.190,00 €
Prazo de execución
2025
6. Creación dunha rede de centros de interpretación do Geoparque Cabo Ortegal.
Descrición
Crear unha rede de centros de interpretación do Xeoparque Cabo Ortegal nos museos e centros de interpretación visitables, mediante a execución de melloras destinadas a crear un contidos informativos do Xeoparque en cada centro, cunha imaxe común, e protocolos destinados á homoxeneización e unificación da información prestada sobre este espazo recoñecido pola UNESCO. Traballase para a mellora da prestación de información sobre o Geoparque por parte do persoal de atención ao público destes Centros, garantindo que a información prestada polos recursos e produtos de todo o territorio sexa de calidade e coherente co relato do destino, e fomentando a protección dos espazos naturais protexidos.
Orzamento
86.814,66€
Prazo de execución
2024 -2026
7. Adecuación e mellora da rede de rutas de sendeirismo e BTT no territorio
Descrición
Impulsar unha estratexia de mobilidade sostible que promova o uso de medios non motorizados mediante o estudo, deseño e mellora da rede de camiños ciclables e peonís do territorio. A actuación implica intervencións, para un uso sostible, de conservación, restauración e valorización do territorio. Incorpórase ademais a adquisición e posta en valor da Casa da Bastona como infraestrutura de apoio á rede de roteiros de sendeirismo e bicicletas todo terreno (BTT).
Orzamento
139.095,47 €
Prazo de execución
2024-2026
8. Mellora da eficiencia enerxética nos concellos do Xeoparque Cabo Ortegal.
Descrición
Mellora da eficiencia enerxética en varios recursos turísticos municipais, para reducir a pegada de carbono no desenvolvemento da actividade turística, ao tempo que se mellora a experiencia do/a visitante nestes espazos. Para elo contémplanse mellorar a iluminación ornamental dos castelos de Naraío (San Sadurniño), Moeche e a Concepción (Cedeira), a mellora da iluminación do Malecón de Ortigueira e melloras na climatización dos edificios do Museo do Surf de Valdoviño e na Casa da Pulida de Cariño. Está adxudicado o contrato para o servizo de revisión, actualización e visado dos proxectos existentes para, posteriormente asinar o convenio de colaboración cos concellos propietarios dos bens e licitar as obras.
Orzamento
193.277,40 €
Prazo de execución
2024-2026
9. Gabinete de Comunicación e marketing on line.
Descrición
Mellorar a promoción do Xeoparque Cabo Ortegal mediante o desenvolvemento dunha estratexia de comunicación e promoción acorde aos obxectivos do Plan de Marketing, aos segmentos de público identificados no mesmo, e ao relato do Xeoparque do Cabo Ortegal. Contratouse un gabinete de comunicación e marketing online que se ocupou da adecuada comunicación e difusión do Xeoparque Cabo Ortegal.
Orzamento
33.904,20 €
Prazo de execución
2025
10. Creación dunha central de reservas para servizos do Xeoparque.
Descrición
Descargable
11. Ampliación de funcionalidades e contidos da páxina web.
Descrición
Contratación dun servizo de mellora, creación de novos contidos e funcionalidades para a páxina web do proxecto do Xeoparque Cabo Ortegal. Comprende a xeración de novos contidos creados co desenvolvemento do Plan de Sostibilidade Turística, tradución dos contidos a diferentes idiomas, e melloras das funcionalidades que axuden a navegación e xestión.
Orzamento
13.628,09 €
Prazo de execución
2025
12. Creación dunha App para a xestión e promoción do Camiño a Santo André de Teixido.
Descrición
Deseño e desenvolvemento dunha App para a mellora da xestión e promoción do Camiño de Santo André de Teixido, que permita ofrecer servizos ao turista: planificacion personalizada de roteiros, caderno de viaxe, guía interactiva con información (audiogias) sobre o patrimonio material e inmaterial do camiño (recursos patrimoniais, naturais, ritos lendas e tradicións…), selaxe e descarga da credencial de peregrino (“Teixidela dixital”), información, contacto e reserva de servizos de empresas turísticas, sorteos e premios… á vez que serve de ferramenta de xestión e información sobre os Camiños: posibilidade de comunicar incidencias e puntos criticos xeolocalizados, medición e análise de datos de visitantes, etc.
Orzamento
39.716,41 €
Prazo de execución
2025
13. Formación e asesoramento para a mellora do posicionamiento do destino en Google Travel Journey.
Descrición
Formación e asesoramento con entidades de xestión turística do territorio (informadores/as de turismo, persoal de museos e centros de interpretación, etc.) e empresas locais, enfocadas a mellorar as súas habilidades e capacitación para conseguir un adecuado posicionamento online do Xeoparque Cabo Ortegal e das empresas turísticas do territorio.
Orzamento
32.459,34 €
Prazo de execución
2024-2025
14. Infraestrutura dixital para a mellora da información turística do Xeoparque Cabo Ortegal.
Descrición
Dotación de infraestrutura de información dixital do destino coa finalidade de chegar aos/as visitantes naqueles municipios que non contan con servizo de información turística permanente. Devandita infraestrutura serán paneis ou tótems dixitais nos que se proxectarán material informativo e promocional do Xeoparque Cabo Ortegal así como aquelas actividades turísticas e culturais que se desenvolvan no territorio.
15. Asistencia técnica para a xestión do PSTD Proxecto de Geoparque Cabo Ortegal.
Descrición
Asistencia técnica para a execución do PSTD,
encargada de coordinar, dirixir, avaliar, dar seguimento e controlar todas as actuacións contidas no Plan.
Orzamento
221.184,43 €
Prazo de execución
2023-2026
16. Implantación de indicadores ETIS (European Tourism indicator system) e modelo de xestión DTS.
Descrición
Deseño de estratexia participada de sostibilidade turística, e desenvolvemento dun plan de acción con actuacións concretas para alinearse co modelo de xestión DTS, baseado en 69 criterios que miden a sostibilidade ambiental, social e económica do territorio. O obxectivo é mellorar a planificación turística do territorio, capacitar ao persoal técnico e ás empresas que operan no destino e realizar accións relacionadas coa sostibilidade (por exemplo, poñer en marcha un foro de sostibilidade turística).
Orzamento
34.848,00 €
Prazo de execución
2024-2025
17. Plan de marketing e estratexia de medios, online e offline.
Descrición
Definición dunha estratexia comunicativa e accións e de promoción e comercialización do Xeoparque Cabo Ortegal e os seus produtos, tanto online como off-line. Dita estratexia establece as pautas e bases da comunicación xeral do PSTD e do Xeoparque como destino turístico, e determina as canles e ferramentas de comunicación axeitadas para a promoción ante diferentes segmentos de público.
Orzamento
15.376,52 €
Prazo de execución
2023
18. Dinamización e promoción do Camiño de peregrinación a Santo André de Teixido.
Descrición
Programa de desenvolvemento e promoción do Camino a Santo André de Teixido como roteiro de peregrinación e produto turístico, que fomente a chegada de visitantes. Crearase unha rede de empresas prestadoras de servizos nos Camiños (aloxamento, restauración, guía turístico, transporte, etc.), á vez que se desenvolven distintas accións de posta en valor deste recurso mediante actividades orientadas a distintos segementos de público e que se poidan realizar en diferentes momentos do ano. Trátase de xerar accións demostrativas que poidan ser comercializadas polas empresas locais e atractivas para o público.
Orzamento
29.880,00 €
Prazo de execución
2025
19. Posta en valor de produtos do sector primario para o turismo.
Descrición
Orzamento
36.463,95 €
Prazo de execución
2025
20. Deseño, creación e promoción de produtos e experiencias turísticas.
Descrición
Creación dun catálogo de experiencias turísticas sostibles no territorio, desde a implicación do tecido local, dirixidas aos diferentes segmentos de publico (familiar, científico, aventura e/ou cultural) con capacidade para comercializarse tanto na central de reservas da web do Xeoparque, como a través doutras plataformas de reserva turística. Para a execución da actuación contémplase o desenvolvemento de talleres formativos para as empresas participantes, a elaboración do catálogo para a comercialización on line e a presentación pública das experiencias e das reservas, e a relización dunha xornada profesional de comercialización entre empresas prestadoras de servizos do Xeoparque Cabo Ortegal e axencias comercializadoras.
Orzamento
47.020,50 €
Prazo de execución
2025-2026
21. Plan de difusión e uso da marca e identidade corporativa do Xeoparque Cabo Ortegal.
Descrición
Descargable
22. Creación dun banco de imaxes e material audiovisual de promoción.
Descrición
Orzamento
14.082,80 €
Prazo de execución
2026
23. Desenvolvemento dunha estratexia de posicionamento do Geoparque Cabo Ortegal como destino turístico sostible.
Descrición
Impúlsase o deseño e posta en marcha de accións e materiais de promoción definidos no Plan de Marketing do territorio. Desenvólvense iniciativas tanto en liña como fóra de liña, complementadas cun plan de Inbound Marketing orientado á captación de potenciais clientes. Estas accións céntranse en mellorar a visibilidade e o posicionamento do destino nos mercados prioritarios. Ao mesmo tempo, contribúen a impulsar a conversión e a venda do produto turístico nos segmentos obxectivo.
Orzamento
37.750,00 €
Prazo de execución
2025
24. Capacitación de axentes do territorio en canto á creación de alianzas e redes de traballo.
Obxectivos
Impúlsase a organización de viaxes de benchmarking a outros xeoparques certificados, fortalecendo a colaboración e o traballo en rede propio dos Xeoparques Mundiais da UNESCO. Estas visitas permiten coñecer modelos de xestión de referencia e boas prácticas aplicadas noutros territorios. Ao mesmo tempo, contribúen a mellorar a capacitación e as competencias dos axentes e empresas do Xeoparque Cabo Ortegal.
A iniciativa favorece o desenvolvemento de proxectos conxuntos e o intercambio de experiencias a nivel internacional.
Descargable
Enlaces aos vídeos das viaxes : ver vídeo , ver vídeo 2
Orzamento
40.535,00 €
Prazo de execución
2025
25. Realización dun foro especializado en xeodiversidade e sustentabilidade.
Descrición
Impúlsase a organización do Día Internacional da Xeodiversidade no Xeoparque Cabo Ortegal, un evento promovido pola UNESCO para poñer en valor o territorio no ámbito do xeoturismo, ecoturismo e turismo científico. O programa inclúe charlas especializadas, tamén en formato streaming, coa participación de expertos da Sociedade Xeolóxica Española e do Comité Científico do Xeoparque. A xornada complétase cunha saída de campo e unha degustación de produtos locais, achegando a experiencia ao territorio. A iniciativa contribúe a difundir a riqueza xeolóxica, natural e patrimonial entre a poboación local e o tecido empresarial.
Descargable
Enlaces aos vídeos: ver vídeo , ver vídeo 2 , ver vídeo 3
Orzamento
17.549,54 €
Prazo de execución
2024
26. Deseño e elaboración de publicacións e material de difusión.
Descrición
Deseño, elaboración e produción de material de difusión específico con contidos adaptados ao relato deseñado polo Xeoparque, que sirvan para promocionar e difundir os recursos e produtos turísticos diferenciais do Geoparque do Cabo Ortegal.
Descargable
27. Modernización do sistema de sinalización turística para a mellora da interpretación do patrimonio e a accesibilidade do destino.
Descrición
Impúlsase unha actuación para dar resposta ás recomendacións da UNESCO, mellorando a sinalización de acceso ao Xeoparque Cabo Ortegal e reforzando a súa identidade territorial. Para iso, instálase nova sinalización nos principais viais de entrada e incorpóranse paneis informativos e interpretativos sobre os recursos clave do territorio. Esta intervención mellora o coñecemento e a experiencia da visita, facilitando a autonomía das persoas visitantes e unha mellor xestión dos fluxos turísticos. Ao mesmo tempo, contribúe a reforzar a visibilidade do selo UNESCO e a consolidación do destino como xeoparque.
Orzamento
36.300,00 €
Prazo de execución
2026
28. Impulso da competitividade turística a través da xeración de valor engadido no produto local.
Descrición
Esta actuación vén completar a estratexia de promoción da gastronomía e o produto agroalimentario iniciado coas actuacións 15 (Posta en valor de produtos do sector primario para o turismo) e 16 (Promoción da gastronomía e dos produtos agroalimentarios locais) do PSTD. Esta nova actuación baséase no impulso da competitividade do sector a través da mellora da capacidade produtiva e apoio á creación da marca de produto local do Geoparque Cabo Ortegal KB0. Así, o sector primario transforma a súa produción local converténdoa ao tempo nunha lembranza gastronómica de excelencia que responde os requisitos da UNESCO para Geoparque Mundiais e á creación dun produto turístico competitivo aliñado coa estratexia de desenvolvemento sostible que persegue o Geoparque.