Climatoloxía no Xeoparque Cabo Ortegal

Benvidos ao
Xeoparque Cabo Ortegal
Unha viaxe ao interior da Terra

Climatoloxía no Xeoparque

Temos diversas formas nas que poderíamos dividir o c-lima da rexión. A diferenza que atopamos entre os concellos interiores e costeiros non é apreciable, sendo semellante a que podemos atopar dentro dun concello entre as zonas costeiras e as zonas interiores. A Grandes trazos podemos clasificar o clima do Xeoparque en 2 bloques, o bloque do leste que abarcaría o concello de Ortigueira, Cariño e as zonas máis altas e máis o leste de Cedeira e Cerdido. E o bloque que restante abarcaría o resto do territorio.

No bloque do leste temos maior número de días de precipitacións, sendo máis destacado no verán polo réxime de ventos redominante (nordeste). A choiva total anual é complexa de comparar, xa que no bloque do leste temos as maiores alturas e tamén os puntos onde máis chove. Se comparamos dous puntos, da mesma altura, como pode ser a vila de Cedeira e a vila de Cariño, temos máis precipitación anual en Cedeira a pesares de que chove menos días.
No bloque do oeste alcánzanse as temperaturas máximas da rexión, as mínimas danse nos vales mais interiores debido as inversións térmicas. A temperatura media anual e inferior no bloque do leste, aínda que a altura é un factor moito máis determinante.
A insolación é inferior no bloque do leste, de feito, algunha das zonas con menor insolación do Xeoparque tamén o son a nivel penínsular.

Consulta a previsión diaria

Breve descrición por concellos

Valdoviño

Concello situado o suroeste do Xeoparque, con escasas alturas e con predominio costeiro. As temperaturas son suaves e en moi poucas ocasións se baixa dos cero grados, nalgunha xornada e sobre todo en zonas baixas e con influencia mínima do mar. As precipitacións soen dar algo de tregua durante o verán, sendo xullo e agosto os meses de menos choiva e tamén os de maior temperatura. Os temporais de vento, sobre todo oeste-suroeste dan bastante forte así como os temporais de mar. Concello aberto cara o mar. As situacións de oeste deixa mais precipitación que no leste da rexión. Os ventos do nordeste soen ser secos e frescos, nada que ver co nordeste de Ortigueira ou Cariño.

Cerdido

Concello interior situado no centro da rexión. Podemos apreciar a transición entre o bloque do leste e do oeste, sendo destacada a insolación, variando en poucos km en zonas da mesma altura. A
zona do leste é máis húmida, con máis néboas e precipitación, así a temperatura tamén é menor o mesmo que a insolación. As xeadas son máis frecuentes nas zonas baixas e próximas a ríos e regatos. A neve é pouco habitual e o vento sopra máis forte nas zonas máis altas.

San Sadurniño

É un dos concellos interiores do Xeoparque, sen grandes alturas e destacando o sector central onde atopamos os vales do Xubia e do Castro, destacando elevada humidade e as inversións térmicas nas noites despexadas. O efecto do mar segue estando presente pero menos destacado que nos concellos costeiros. Nas zonas de val temos xeadas durante o inverno, incluso a finais de outono e comezos de primavera podemos baixar de cero grados. As precipitacións son menos frecuentes e importantes durante o verán, xullo e agosto os meses de menos choiva e tamén os de maior temperatura. Os temporais de vento son notables pero menos importantes que nos concellos costeiros, as zonas mais altas son as mais afectadas. Os ventos do nordeste soen ser secos e frescos e as precipitacións en forma de neve pouco frecuentes.

Cariño

Concello situado o norte co seu cabo que lle da nome o Xeoparque. As zonas máis altas están dentro da area que máis chove do xeoparque, mentres que as máis baixas son as que menos chove. A maioría de borrascas veñen do suroeste-oeste, así as frontes, onde máis descargan é na Capelada, que omesmo tempo fai de pequena barreira, creando unha pequena sombra pluviométrica nas zonas baixas de Cariño. As zonas próximas o cabo, así como as zonas máis altas é onde o vento alcanza os maiores refachos, con algún temporal importante case todos os invernos. As temperaturas varían moito coa altura, sendo a zona da Capelada fría e o resto bastante suave, sen grandes contrastes. As xeadas na liña de costa nin nas zonas mais altas non son habituais, pero todos os anos soemos ter algunha. Son máis probables nas zonas interiores de val. A neve nas zonas de maior altitude aparece algún inverno, o nivel do mar xa é moito máis complexo.

Cedeira

É un concello costeiro con abondosas pendentes e gran diversidade climática, nel podemos atopar as características principais dos dous bloques. Nas zonas máis altas temos a rexión de maior precipitación e menor insolación de todo o Xeoparque. A zona costeira, onde se empraza a vila de Cedeira, chove menos cantidade anual e sobre todo ten menos xornadas con precipitación, cunha temperatura media bastante superior (aquí tamén influe moito a altitude). O vento é bastante protagonista, dada a súa exposición os temporais predominantes. As xeadas na zona de costa e na zona acantilada son pouco frecuentes, sendo máis habituais nas zonas interiores de val e areas interiores e deprimidas da Capelada. A neve na zona costeira é moi pouco habitual, na zona de montaña algo cae algún que outro inverno.

Moeche

Concello interior con algunha característica propia, así a temperatura medía das mínimas é inferior e a media das máximas algo superior. As precipitacións son bastante homoxéneas dentro do concello, algo máis abondosas nas zonas máis altas. As xeadas aparecen todos invernos na maioría do territorio. Os temporais de vento son menos intensos que nos concellos costeiros, pero iso non quita que a maioría dos anos teñamos algún. A neve non aparece moito, non temos moita altitude e a distancia o mar segue sen moita.

Ortigueira

É o concello con maior superficie do Xeoparque e tamén con gran diversidade climática, as pendentes son abundantes e os vales tamén. A zona norte ten menor pendente e menor altitude, no sur temos montes e vales dando unha configuración de montaña. As precipitacións son abundantes, sobre todo nas zonas máis altas, as zonas que bordean a ría están algo máis o abrigo, entre a Capelada e Faladora crease algo de sombra pluviométrica. O número de xornadas con precipitación é elevado e a insolación bastante baixa. Os temporais de vento déixanse sentir nas zonas mais altas, sen pasar desapercibidos polo resto. As xeadas aparecen todos os invernos nas zonas interiores de val, tamén xea algo no resto. A neve pode aparecer nas zonas mais altas do sur e do leste.